ԱՆՁՆԱԿԱՆ ՏՎՅԱԼՆԵՐԻ ՄՇԱԿՄԱՆ ԵՎ ԳԱՂՏՆԻՈՒԹՅԱՆ ՔԱՂԱՔԱԿԱՆՈՒԹՅՈՒՆ

1.1. Ընկերությունը անձնական տվյալների մշակումը իրականացնում է ՀՀ օրենսդրության, այդ թվում՝ «Անձնական տվյալների պաշտպանության մասին» ՀՀ օրենքի պահանջներին համապատասխան։

1.2. Ընկերությունը ձգտում է ապահովել Օգտատերերի անձնական տվյալների օրինական, թափանցիկ և անվտանգ մշակումը և չի օգտագործում անձնական տվյալները այն նպատակներով, որոնք անհամատեղելի են դրանց հավաքագրման նպատակների հետ։

1.3. Սույն Քաղաքականությունը տարածվում է Հարթակի միջոցով Ընկերության կողմից մշակվող Օգտատերերի անձնական տվյալների նկատմամբ։

2.1. Հարթակից օգտվելու ընթացքում Ընկերությունը կարող է հավաքագրել հետևյալ տվյալները՝ ըստ համապատասխան ծառայության անհրաժեշտության.

• անուն, ազգանուն,
• էլեկտրոնային փոստի հասցե,
• հեռախոսահամար,
• բնակության մարզ/քաղաք կամ բնակավայր,
• օգտահաշվի մուտքային տվյալներ,
• Հարթակի օգտագործման վերաբերյալ տեխնիկական տվյալներ,
• պատվերների, ամրագրումների և խորհրդատվությունների վերաբերյալ տվյալներ,
• Հարթակի միջոցով ուղարկված հաղորդագրություններ,
• իրավական խնդրի նկարագրություն և Օգտատիրոջ կողմից տրամադրված այլ տեղեկատվություն,
• Օգտատիրոջ կողմից խորհրդատվության շրջանակում վերբեռնված փաստաթղթեր և ֆայլեր,
• վճարման և գործարքի վերաբերյալ անհրաժեշտ տեխնիկական կամ նույնականացնող տվյալներ։

2.2. Բանկային քարտի ամբողջական տվյալները, ներառյալ քարտի ամբողջ համարը, CVV/CVC կոդը և այլ նման տվյալներ Ընկերությունը չի պահպանում, եթե դրանք մշակվում են արտաքին վճարային ծառայություն մատուցողի կողմից և Հարթակին չեն փոխանցվում։

2.3. Ընկերությունը ձգտում է հավաքագրել միայն այն տվյալները, որոնք անհրաժեշտ են Հարթակի համապատասխան ծառայության մատուցման և օրինական նպատակների իրականացման համար։

3.1. Անձնական տվյալները կարող են մշակվել հետևյալ նպատակներով՝

• Օգտատիրոջ հաշվի ստեղծում և սպասարկում,
• Օգտատիրոջ նույնականացում և հաշվի անվտանգություն,
• Իրավաբանի ընտրության և խորհրդատվության ամրագրման կազմակերպում,
• Օգտատիրոջ և Իրավաբանի միջև հաղորդակցության ապահովում,
• իրավական խնդրի և անհրաժեշտ տեղեկատվության փոխանցում Օգտատիրոջ կողմից ընտրված Իրավաբանին,
• վճարումների կազմակերպում և գործարքների հաշվառում,
• պատվերների և խորհրդատվությունների կառավարում,
• Օգտատիրոջը ծառայության վերաբերյալ ծանուցումների ուղարկում,
• տեխնիկական խնդիրների հայտնաբերում և վերացում,
• Հարթակի անվտանգության ապահովում,
• Հարթակի որակի և ֆունկցիոնալության բարելավում,
• Օգտատերերի դիմումների և բողոքների ուսումնասիրում,
• ՀՀ օրենսդրությամբ նախատեսված պարտավորությունների կատարում։

4.1. Հարթակի հիմնական գործառույթներից մեկը Օգտատիրոջ և Իրավաբանի միջև իրավաբանական խորհրդատվության կազմակերպումն է։

4.2. Այդ նպատակով Օգտատիրոջ կողմից Հարթակում տրամադրված տվյալների մի մասը կարող է հասանելի դառնալ Օգտատիրոջ կողմից ընտրված կամ տվյալ խորհրդատվությունն իրականացնող Իրավաբանին։

4.3. Իրավաբանին կարող են փոխանցվել կամ հասանելի դառնալ այն տվյալները, որոնք անհրաժեշտ են համապատասխան խորհրդատվությունը կազմակերպելու և մատուցելու համար, ներառյալ՝ Օգտատիրոջ անունը, կոնտակտային տվյալները, իրավական խնդրի նկարագրությունը, հաղորդագրությունները և Օգտատիրոջ կողմից տրամադրված համապատասխան փաստաթղթերը։

4.4. Իրավաբանը պարտավոր է պահպանել իրեն հասանելի դարձած Օգտատիրոջ տվյալների գաղտնիությունը և օգտագործել դրանք բացառապես տվյալ Օգտատիրոջը իրավաբանական խորհրդատվություն կամ ծառայություն մատուցելու նպատակով՝ ՀՀ օրենսդրության պահանջներին համապատասխան։

4.5. Հարթակը չի տրամադրում Օգտատիրոջ տվյալները այլ Իրավաբանի, եթե դրա համար չկա Հարթակի ծառայությունների մատուցման անհրաժեշտություն, Օգտատիրոջ համաձայնություն կամ ՀՀ օրենսդրությամբ նախատեսված համապատասխան հիմք։

5.1. Հարթակի միջոցով վճարումների կատարման համար կարող են օգտագործվել երրորդ կողմի վճարային ծառայություններ մատուցող կազմակերպություններ։

5.2. Վճարային ծառայությունների մատուցման ընթացքում համապատասխան վճարային կազմակերպությունը կարող է մշակել վճարման համար անհրաժեշտ տվյալները՝ իր պայմանների և գաղտնիության քաղաքականության համաձայն։

5.3. Ընկերությունը կարող է ստանալ վճարման վերաբերյալ այնպիսի տվյալներ, որոնք անհրաժեշտ են պատվերի, վճարման կարգավիճակի, refund-ի և ֆինանսական հաշվառման համար։

5.4. Ընկերությունը չի պահանջում Օգտատիրոջից Հարթակի հաղորդագրությունների կամ այլ ոչ անվտանգ եղանակներով տրամադրել բանկային քարտի ամբողջական տվյալներ կամ անվտանգության կոդեր։

6.1. Հարթակի միջոցով Օգտատիրոջ և Իրավաբանի միջև հաղորդագրությունները և փոխանցված փաստաթղթերը կարող են պահպանվել Հարթակի համակարգում՝ խորհրդատվության կազմակերպման, սպասարկման, վեճերի կամ բողոքների ուսումնասիրության, անվտանգության և օրենսդրությամբ նախատեսված այլ նպատակներով։

6.2. Օգտատերը պետք է Հարթակին տրամադրի միայն այն փաստաթղթերը և տեղեկատվությունը, որոնք անհրաժեշտ են իր կողմից ընտրված խորհրդատվության կամ ծառայության ստացման համար։

6.3. Խորհրդատվության ընթացքում Օգտատերը կարող է ներկայացնել իրավական բնույթի տեղեկություններ, որոնք կարող են լինել գաղտնի կամ զգայուն։ Ընկերությունը ձեռնարկում է անհրաժեշտ միջոցներ դրանց չարտոնված հասանելիությունից պաշտպանելու համար։

7.1. Ընկերությունը կարող է անձնական տվյալների սահմանափակ ծավալ փոխանցել երրորդ անձանց, եթե դա անհրաժեշտ է Հարթակի գործունեության և ծառայությունների մատուցման համար։

7.2. Այդպիսի երրորդ անձինք կարող են ներառել մասնավորապես՝

• վճարային ծառայություններ մատուցող կազմակերպություններ,
• հոսթինգի և սերվերային ենթակառուցվածքի ծառայություններ մատուցողներ,
• էլեկտրոնային փոստի և ծանուցումների ծառայություններ մատուցողներ,
• տեխնիկական և ծրագրային ծառայություններ մատուցողներ,
• այլ ծառայություն մատուցողներ, որոնց ներգրավումն անհրաժեշտ է Հարթակի բնականոն գործունեության համար։

7.3. Երրորդ անձանց տվյալների փոխանցումը սահմանափակվում է համապատասխան ծառայության մատուցման համար անհրաժեշտ ծավալով։

7.4. Տվյալները կարող են տրամադրվել պետական մարմիններին կամ այլ իրավասու անձանց՝ միայն ՀՀ օրենսդրությամբ նախատեսված դեպքերում և կարգով։

8.1. Ընկերությունը ձեռնարկում է անհրաժեշտ տեխնիկական և կազմակերպչական միջոցներ անձնական տվյալները պատահական կամ ապօրինի ոչնչացումից, կորստից, փոփոխումից, չարտոնված հասանելիությունից, օգտագործումից կամ հրապարակումից պաշտպանելու համար։

8.2. Անձնական տվյալների հասանելիությունը տրամադրվում է միայն այն աշխատակիցներին, Իրավաբաններին և ծառայություն մատուցողներին, որոնց համար այդ հասանելիությունն անհրաժեշտ է համապատասխան գործառույթների իրականացման համար։

8.3. Օգտատերը պարտավոր է պահպանել իր օգտահաշվի մուտքի տվյալների գաղտնիությունը և անհապաղ տեղեկացնել Ընկերությանը, եթե կասկածում է, որ իր հաշիվը օգտագործվում է առանց իր թույլտվության։

8.4. Չնայած անվտանգության միջոցների կիրառմանը, ինտերնետային և տեղեկատվական համակարգերի միջոցով տվյալների փոխանցումը չի կարող ամբողջությամբ զերծ լինել տեխնիկական ռիսկերից։

9.1. Անձնական տվյալները պահպանվում են այնքան ժամանակ, որքան անհրաժեշտ է դրանց հավաքագրման և մշակման նպատակների իրականացման համար կամ որքան պահանջվում է ՀՀ օրենսդրությամբ։

9.2. Օգտահաշվի փակվելուց հետո որոշ տվյալներ կարող են պահպանվել, եթե դրանց պահպանումն անհրաժեշտ է իրավական պարտավորությունների կատարման, հաշվապահական կամ հարկային հաշվառման, վեճերի լուծման, անվտանգության կամ այլ օրինական նպատակների համար։

9.3. Երբ տվյալների հետագա պահպանումն այլևս անհրաժեշտ չէ և դրանց պահպանումը չի պահանջվում օրենքով, Ընկերությունը ձեռնարկում է տվյալների ոչնչացման, ջնջման կամ անանունացման համապատասխան միջոցներ։

10.1. Օգտատերն ունի ՀՀ օրենսդրությամբ նախատեսված իրավունքներ իր անձնական տվյալների նկատմամբ։

10.2. Օգտատերը կարող է օրենքով սահմանված կարգով պահանջել տեղեկություն իր անձնական տվյալների մշակման վերաբերյալ։

10.3. Օգտատերը կարող է պահանջել ոչ ճշգրիտ կամ ոչ ամբողջական տվյալների ուղղում կամ թարմացում։

10.4. Օգտատերը կարող է օրենքով նախատեսված դեպքերում պահանջել անձնական տվյալների մշակման դադարեցում, տվյալների ոչնչացում կամ այլ համապատասխան գործողության իրականացում։

10.5. Օգտատերը կարող է իր իրավունքների իրացման կամ անձնական տվյալների մշակման վերաբերյալ հարցերի դեպքում դիմել Ընկերությանը Հարթակում հրապարակված պաշտոնական կապի միջոցներով։

11.1. Եթե Ընկերությունը տեղեկանում է անձնական տվյալների անվտանգության այնպիսի խախտման մասին, որը կարող է առաջացնել օրենքով նախատեսված հետևանքներ, Ընկերությունը ձեռնարկում է ՀՀ օրենսդրությամբ նախատեսված անհրաժեշտ միջոցները։

11.2. Անհրաժեշտության դեպքում Ընկերությունը կարող է Օգտատիրոջը տեղեկացնել տվյալների անվտանգության էական խախտման մասին՝ օրենքով սահմանված կարգով։

12.1. Հարթակը կարող է cookies օգտագործել և նմանատիպ տեխնոլոգիաներ՝ Օգտատիրոջ մուտքը պահպանելու, Հարթակի անվտանգությունն ապահովելու, տեխնիկական խնդիրները հայտնաբերելու և Հարթակի աշխատանքի բարելավման նպատակներով։

12.2. Օգտատիրոջ սարքի և Հարթակի օգտագործման վերաբերյալ կարող են մշակվել տեխնիկական տվյալներ, ինչպիսիք են IP հասցեն, սարքի տեսակը, օպերացիոն համակարգը, դիտարկիչը և Հարթակի օգտագործման հետ կապված այլ տեխնիկական տեղեկատվություն՝ համապատասխան ծառայությունների բնականոն աշխատանքի և անվտանգության ապահովման նպատակով։

13.1. Հարթակի ծառայությունները նախատեսված են 18 տարին լրացած անձանց համար։

13.2. Ընկերությունը նպատակային կերպով չի հավաքագրում մինչև 18 տարեկան անձանց անձնական տվյալները։

13.3. Եթե պարզվում է, որ մինչև 18 տարեկան անձի տվյալները տրամադրվել են Հարթակին առանց օրենքով պահանջվող համապատասխան հիմքի, Ընկերությունը կարող է ձեռնարկել դրանց հեռացման կամ ոչնչացման անհրաժեշտ միջոցները։

14.1. Ընկերությունն իրավունք ունի փոփոխել սույն Քաղաքականությունը՝ պայմանավորված օրենսդրական, տեխնիկական կամ Հարթակի գործունեության փոփոխություններով։

14.2. Քաղաքականության նոր տարբերակը հրապարակվում է Հարթակում՝ նշելով դրա վերջին թարմացման ամսաթիվը։

14.3. Փոփոխությունները չեն սահմանափակում Օգտատիրոջ՝ ՀՀ օրենսդրությամբ նախատեսված իրավունքները։

15.1. Անձնական տվյալների մշակման և պաշտպանության վերաբերյալ հարցերի, դիմումների կամ պահանջների դեպքում Օգտատերը կարող է կապ հաստատել «ԴԻՎԻՑԻԱ» ՍՊԸ-ի հետ՝ Հարթակում հրապարակված պաշտոնական էլեկտրոնային փոստի միջոցով։

15.2. Անձնական տվյալների հետ կապված դիմումում ցանկալի է նշել դիմողի անունը, կապի միջոցը և դիմումի էությունը՝ դրա պատշաճ ուսումնասիրությունն ապահովելու համար։

15.3. Ընկերությունը դիմումները ուսումնասիրում և դրանց պատասխանում է ՀՀ օրենսդրությամբ սահմանված կարգով և ժամկետներում։

16.1. Սույն Քաղաքականությունը հանդիսանում է Հարթակի կողմից անձնական տվյալների մշակման հիմնական կանոնների նկարագրությունը։

16.2. Սույն Քաղաքականության դրույթները մեկնաբանվում և կիրառվում են ՀՀ օրենսդրությանը համապատասխան։

16.3. Եթե սույն Քաղաքականության որևէ դրույթ հակասում է ՀՀ օրենսդրության պարտադիր պահանջին, կիրառվում է օրենքով սահմանված համապատասխան պահանջը։

16.4. Սույն Քաղաքականության գործող տարբերակը մշտապես հասանելի է Հարթակում։